又係旺角俾我搵到一間高質上樓西餐，未入門口已經見到一對巨型叉匙😍，別有用心嘅設計。聽到呢度飲手工啤都好出名，所以入去就見到吧枱，鍾意飲酒嘅朋友不妨黎試吓。
黑松露雜菌闊條麵
松露香遠遠就聞到，闊條麵嘅麵身好有咬口，加入奶油味濃郁嘅雜菌，配合得非常好。
香煎上級盲槽魚柳
魚柳嘅份量平時嘅雙倍，足足有2大塊！而且魚柳都好新鮮，香煎嘅烹調方法更加突出魚味。
黑松露、煙火腿、芝士多士
係黑色嘅多士，咬落去仲要非常軟熟！黑松露同埋芝士都係非常吸引嘅食材，香濃嘅味道滿足晒味同埋嗅覺，而且芝士嘅拉絲仲好勁添ah！
曲奇朱古力奶昔沙冰
壓軸登場嘅曲奇朱古力奶昔沙冰，外型非常復古有型，有少少似歐洲上世紀嘅船。滿滿嘅Oreo曲奇碎，配上濃郁嘅朱古力沙冰，真係好滿足。而且成個飲品仲加左好多大大粒爆谷，與其話係一個飲品，我覺得更加似一個特色甜品。
接骨木花味手工蘋果酒
另外點左一個特別嘅手工啤，係好少見嘅接骨木花味，雖然係啤酒，但係飲落去都有清新香甜嘅感覺，好岩女仔飲。
下次經開旺角都可以過嚟試吓呢間樓上西餐。
吃吧 (旺角)
旺角彌敦道566-568號僑建大廈2樓2室
#吃吧
#chiba
Search